حافظ محمود اسعد هاليجوي: حافظ محمود اسعد ولد مولانا الله هاليجوي'>حماد الله هاليجوي، 1345هه/ 1924ع ڌاري پني عاقل لڳ ڳوٺ هاليجي شريف ۾ ڄائو. قرآن پاڪ جي تعليم ڳوٺ ’ڪوٺو چاچڙ‘ جي مدرسي مان حاصل ڪيائين. عربيءَ جي تعليم ڳوٺ حاجي رحمت الله گبول ۾ پڙهڻ بعد قرآن پاڪ جو حفظ ڪيائين. هيءُ ٺيڙهي، گهوٽڪي، پني عاقل ۾ به ديني تعليم پڙهيو، لوڙهي واري مدرسي مان دستاربندي ٿي. سياسي ميدان ۾ ’جميعت العلماءِ اسلام‘ جي پليٽ فارم تان 1970ع ۾ چونڊ وڙهي ايم. اين. اي چونڊيو.
حافظ محمود، حضرت حماد الله هاليجويءَ جو ننڍي ۾ ننڍو پٽ هو ۽ والد جي وفات کان پوءِ سجاده نشين ٿيو. 28 اپريل 1990ع تي وفات ڪيائين.
1990.04.28 عيسوي
حافظ محمود اسعد هاليجوي 28 اپريل 1990ع تي وفات ڪئي.